पालकसभेमध्ये मूल्यवर्धन विषयी माहिती दिली

वाघोली, पुणे येथून मूल्यवर्धनचे प्रशिक्षण घेऊन आल्यानंतर नगरपालिका शाळा क्रमांक 06, शहादा, येथे पालक सभा घेऊन पालकांना मूल्यवर्धनविषयी माहिती देण्यात आली. सभेमध्ये शंभर ते दीडशे पालक उपस्थित होते. मूल्यवर्धन प्रोजेक्टवर आधारित क्लिप पालकांना दाखविण्यात आली. त्यानंतर मूल्यवर्धन कार्यक्रम शाळेत सुरू करून विद्यार्थ्यांमध्ये भारतीय राज्यघटनेतील मूल्ये रुजविण्याचे कार्य हाती घेण्यात आले. याबद्दलची जाणीव पालकांना करून देण्यात आली. पालकांसमोर सहयोगी खेळाचे प्रात्यक्षिक दाखविण्यात आले. पालकांनाही ते खेळ पाहून खेळण्याचा मोह आवरता आला नाही. त्यांनी स्वतः खेळांमध्ये भाग घेतला. मूल्यवर्धनविषयी प्रश्न विचारले. प्रश्नांची उत्तरे मिळाल्यानंतर खूप चांगला कार्यक्रम आहे. असेच कार्यक्रम शाळेत आले, तर नक्कीच चांगले नागरिक घडतील अशी आशा व्यक्त केली. अधूनमधून ते मूल्यवर्धनविषयी चौकशी करीत असतात.

-अब्दुल कयाम खान