विद्यार्थ्यांच्या वर्तनात झालेले बदल
मुलांना शिस्त लागली. ते दररोज शाळेत वेळेवर येऊ लागले. मुलांच्या वर्तनात व भाषेमध्ये बदल झाला.
मुलांना शिस्त लागली : आमच्या शाळेमध्ये गेल्या दोन वर्षांपासून मूल्यवर्धन कार्यक्रम सुरू आहे. त्यामुळे मुलांमध्ये बरेच काही बदल दिसून आले. पूर्वी मुले शाळेत येण्याचा कंटाळा करत होती. आले तरी कपडे स्वच्छ नसायचे. आता या दोन वर्षांमध्ये मुले शिस्तपालन करतात. घरी सांगितलेली कामे ऐकतात. शाळेमध्ये आल्यावर ठरवून दिलेले काम पूर्ण करतात. शिक्षकांचे सांगणे ऐकतात.
वेळेवर शाळेत येतात : मूल्यवर्धन उपक्रम घेत असताना त्यामध्ये असणारी मूल्ये विद्यार्थ्यांमध्ये चांगल्याप्रकारे रुजली आहेत. मुले शिस्तीचे पालन करताना दिसून येत आहे. सर्व मुले शाळेमध्ये वेळेवर व शाळेच्या गणवेशात नियमितपणे येऊ लागली आहेत.
मुलांच्या भाषेत व वर्तनात झालेले बदल : शाळेतील मुले विविध समाजातील तांड्यावरील असून मूल्यवर्धन कार्यक्रम राबविल्यामुळे त्यांच्या भाषेमध्ये योग्य असा बदल दिसून आला. मूल्यवर्धन हा कार्यक्रम यापुढेसुद्धा राबविणे गरजेचे आहे असे मला वाटते. त्यामुळे सर्व मुलांना याचा फायदा होईल.
-गंगाधर वडगीर
विद्यार्थ्यांच्या वर्तनात झालेले बदल
-गंगाधर वडगीर
स्वयंप्रेरणा
कोणतेही काम मन लावून व स्वयंप्रेरणेने करण्याची सवय विद्यार्थ्यांना लावण्यास मदत झाली.
मूल्यवर्धन उपक्रमांतर्गत राबवलेल्या विविध कृती तसेच खेळ, सांगितलेल्या प्रेरणात्मक व बोधप्रद गोष्टी, गाणी इत्यादींमुळे मुलांमध्ये लक्षणीय वर्तनबदल होण्यास मदत झाली. मध्यांतराच्या सुट्टीत मुले रांगेने स्वतःहून पोषण आहार घेतात व परिसर स्वच्छ करतात. शालेय बागेतील झाडांची काळजी घेतात. गरजू मुलांना शक्य तेवढी मदत करतात. वैयक्तिक भांडणे व मतभेद अपवाद वगळले तरच होतात. अनुपस्थित मुलांना स्वतःहून बोलावून आणतात. त्यामुळे शाळेची उपस्थिती निश्चितपणे वाढली आहे.
-साधू भिसे
स्वयंप्रेरणा
-साधू भिसे
मूल्यवर्धनमुळे मुलांमधे झालेले बदल
मुले शिस्त पाळतात. आरोग्यविषयक चांगल्या सवयी अंगीकारतात. खरे बोलण्याचा प्रयत्न करतात. एकमेकांना मदत करतात. पाण्याविषयी जागरूक असतात.
मुले शिस्त पाळतात. मूल्यवर्धनमुळे मुलांमधे खूप सकारात्मक बदल झाला आहे. मुले मधल्या सुट्टीत रांगेत वर्गाबाहेर पडतात. नियमित गणवेश घालतात. आरोग्यविषयक चांगल्या सवयी पाळतात. मुले नियमित अंघोळ करणे, वेळेवर नखे, केस कापणे, जेवणापूर्वी हात स्वच्छ धुणे या सर्व चांगल्या गोष्टी करतात. खरे बोलतात. वर्गात, शाळेच्या परिसरात सापडलेल्या वस्तू शिक्षकांकडे आणून देतात. जर कोणी घेतलीच तर कबुली देतात. एकमेकांना अभ्यासात मदत करतात. शाळेबाहेर वृद्ध व्यक्तींना मदत करतात. घरकामात आईला मदत करतात. श्रमाचे मूल्य जाणतात. कोणतेही काम छोटे अथवा मोठे नसून प्रत्येक कामाला सारखे महत्त्व असते हे जाणतात. पाण्याविषयी जागरुक असतात. पाणीटंचाई का येते, ती टाळण्यासाठी आपण कोणते प्रयत्न करायला हवेत हे सांगतात. पाण्याचा अपव्यय टाळून बचत करतात.
-मनुजा बुरसे
मूल्यवर्धनमुळे मुलांमधे झालेले बदल
-मनुजा बुरसे
विद्यार्थ्यांमध्ये झालेले वर्तनबदल
मुलांना शिस्त लागली. मुले वेळेवर शाळेत येऊ लागली. मुलांमध्ये शाळेप्रती व अभ्यासाची गोडी निर्माण झाली. मुले अभिव्यक्त होऊ लागली.
माझी नुकतीच बदली होऊन नवीन शाळेवर रूजू झालो. ते गाव छोटे आहे. एक आदिवासी पाडाच आहे. माझ्यासमोर अनेक समस्या होत्या. मुलांना शिस्त नव्हती, मुले शाळेत वेळेवर येत नव्हती, सर्वात महत्त्वाचे मुले अभिव्यक्तच होत नव्हती. मूल्यवर्धन उपक्रमामुळे जसे की वर्गनियम, सहयोगी खेळ, बैठकव्यवस्था इत्यादी विविध उपक्रमांनी शाळेचे गोकुळ झाले. मुले शाळेत रमू लागली. या कार्यक्रमात सुरुवातीपासून सहभागी होता आले, हे माझे भाग्य समजतो.
-विनायक चव्हाण
विद्यार्थ्यांमध्ये झालेले वर्तनबदल
-विनायक चव्हाण
मुलांच्या बाबतीत झालेले बदल
शिस्त प्रामाणिकपणा, वेळेचे महत्व
- शिस्त : मूल्यवर्धन उपक्रम शाळेमध्ये सुरु झाल्यापासून मुले शिस्तीचे पालन करू लागली. कोणी कोणाशी भांडणे करीत नाहीत.
- प्रामाणिकपणा : मुले नेहमी खरे बोलू लागली. मुलांमध्ये बोलकेपणा आला. अभ्यासाबद्दल गोडी निर्माण झाली. घरी सांगितलेली कामे वेळेवर पूर्ण करू लागली. मुलांना प्रामाणिकपणे काम करण्याची सवय लागली. सांगितलेला अभ्यास वेळेवर व स्वतः पूर्ण करतात.
- मुले वेळेचे महत्त्व जाणतात : मुले वेळेवर शाळेत येऊ लागली. वेळेचे महत्त्व जाणू लागली. मुले शाळेच्या अंगणात लावलेल्या झाडांना पाणी घालतात व त्यांची काळजी घेतात. मूल्यवर्धन उपक्रमांमधून अशा अनेक नवीन गोष्टी मुलांना शिकायला मिळतात.
-उकंदी ढाकरे UKANDI DHAKARE
मुलांच्या बाबतीत झालेले बदल
-उकंदी ढाकरे UKANDI DHAKARE
मुलांच्या वर्तनात झालेले बदल
शिस्त, प्रामाणिकपणा, सहयोगी खेळ, सहयोगी अध्ययन पद्धती
- शिस्त : मूल्यवर्धन कार्यक्रम शाळेमध्ये सुरू झाल्यापासून मुलांमध्ये शिस्त वाढल्याचे दिसून येत आहे. शाळेचा गणवेश घालून मुले दररोज शाळेत येतात. दिलेला अभ्यास वेळेत पूर्ण करतात.
- प्रामाणिकपणा : मुले नेहमी खरे बोलतात. सांगितलेले काम वेळेत पूर्ण करतात. मोठ्या माणसांचा आदर करतात. घरी गेल्यावर घरच्या कामात मदत करतात.
- सहयोगी खेळ : सहयोगी खेळाच्या माध्यमातून उपक्रम घेतल्यामुळे मुलांमध्ये शाळेची आवड, अभ्यासाची गोडी लागली. शाळेत आनंददायी वातावरण तयार झाले आहे.
- सहयोगी अध्ययन पद्धती : आमच्या शाळेमध्ये मूल्यवर्धन कार्यक्रम गेल्या वर्षापासून सुरु आहे. मूल्यवर्धन अध्ययन पद्धती, जोडीचर्चा, गटचर्चा, सामुदायिक वर्तुळ अशा पद्धतीने अध्यापन केल्यामुळे मुले बोलकी झाली. मुलांचा आत्मविश्वास वाढला. मूल्यवर्धन अभ्यासक्रमातील पद्धतीचा इतर विषय शिकवताना खूप फायदा होतो. मूल्यवर्धन अभ्यासक्रम खूप उपयुक्त आहे.
-भगवान शिंदे
मुलांच्या वर्तनात झालेले बदल
-भगवान शिंदे
स्वच्छतेच्या बाबतीतले बदल
चांगल्या, वाईट सवयींविषयी माहिती
इयत्ता दुसरीसाठी असलेल्या मूल्यवर्धन पुस्तिकेतून विद्यार्थ्यांना चित्राद्वारे माहिती देऊन विद्यार्थ्यांची चर्चा घडविली. दात घासणे, कचरा कुंडीतच टाकणे, वर्गाची स्वच्छता, कुठेही थुंकू नये, जेवणापूर्वी हात धुवावे, नियमित नखे कापावीत अशा चांगल्या सवयींची माहिती मूल्यवर्धन पुस्तकातून झाली. केस विस्कटलेले, दात अस्वच्छ, कपडे खराब, वर्ग अस्वच्छ, विनाकारण कागद फाडणे, दात चावणे अशा वाईट सवयींची माहिती झाली. अशाप्रकारे आणखी काही नवीन माहिती किंवा पद्धतीसाठी या वर्षीही दोन दिवसांचे प्रशिक्षण द्यावे ही विनंती. मूल्यवर्धन कार्यक्रमाचा, मूल्यांच्या मुलांवर चांगला परिणाम होत आहे.
-अनिल पवार
स्वच्छतेच्या बाबतीतले बदल
-अनिल पवार
विद्यार्थी वर्तनबदल
दोन वर्षांपासून मूल्यवर्धन कार्यक्रम सुरू आहे. या काळात अनेक अनुभव आले.
मूल्यवर्धन हा खूप उपयुक्त कार्यक्रम आहे. यामुळे मुलांमध्ये विविध बदल झालेले दिसून येतात. विद्यार्थी उपक्रम पुस्तिका खूप आकर्षक असून त्यामध्ये दिलेली चित्रे, कोडी, गोष्टी, गाणी यांमधून मुलांना खूप शिकायला मिळते. मुले स्वतःची कामे स्वतः करतात. दिलेला अभ्यास पूर्ण करतात.
-उत्तम जांबुतकर
विद्यार्थी वर्तनबदल
-उत्तम जांबुतकर
मूल्यवर्धनमुळे विद्यार्थ्यांना शाळेची ओढ
शाळेतील विद्यार्थ्यांना शाळेची गोडी लागावी यासाठी मूल्यवर्धन कार्यक्रमामध्ये अनेक छानछान गोष्टी आहेत. विद्यार्थ्यांमध्ये अनेक बदल घडून आले आहेत. तसेच रेग्युलर अभ्यासक्रमामध्येही विद्यार्थ्यांना मूल्यवर्धनची खूप मदत झाली.
आमची शाळा तुप्पा येथे प्रत्येक शनिवारी मूल्यवर्धन अंतर्गत उपक्रम घेतले जातात. त्यामुळे विद्यार्थ्यांमध्ये आनंददायी शिक्षणाची भर पडली आहे. विद्यार्थ्यांची उपस्थिती वाढली. एक अनुभव मी सांगतो.
इयत्ता दुसरीमधील ‘अंक तेवढे विद्यार्थी’ हा उपक्रम घेतला. त्यामुळे अंकओळख सुस्पष्ट झाली. मूल्यवर्धन कार्यक्रमाचे असे अनेक फायदे आहेत. विद्यार्थ्यांच्या प्रगतीसाठी ते उपयुक्त ठरतील.
-मारोती शेंबाळे
मूल्यवर्धनमुळे विद्यार्थ्यांना शाळेची ओढ
-मारोती शेंबाळे
मूल्यवर्धनमुळे विद्यार्थ्यांमध्ये गणिती कौशल्यविकास होत आहे.
प्रत्येक विद्यार्थ्यांमध्ये वाचन क्षमता व गुणाकार, भागाकार, वजाबाकी, वाचन, गोष्ट तयार करणे वगैरे क्षमतांचा विकास होताना दिसतो. ते सतत प्रयत्न करतात. गणित व भाषा पेटीचा पुरेपूर फायदा करून घेतात.
-सय्यद मजहर नियाज अहमद
मूल्यवर्धनमुळे विद्यार्थ्यांमध्ये गणिती कौशल्यविकास होत आहे.
-सय्यद मजहर नियाज अहमद